ఈటెల మెడచుట్టూ మరో ఉచ్చు

0
TMedia (Telugu News) :

ఈటెల మెడచుట్టూ మరో ఉచ్చు

టి-మీడియా/హైదరాబాద్(మే-9):

s s consultancy

*జమున హేచరీస్‌కు అటవీశాఖ నోటీసులు
*గతంలో చెట్లను నరికారని ఆరోపణలు
*సమాధానం ఇవ్వాలని నోటీసులు

ఈటల రాజేందర్ ను మంత్రి పదవి నుండి తొలగించిన తరువాత ప్రభుత్వం సాదింపు చర్చల్లో భాగంగా క్రమంగా ఒక్కో వ్యవహారం ఆయన మెడకు చుట్టుకుంటోంది. తాజాగా ఈటల రాజేందర్ కుటుంభ సభ్యుల పేరిట జమున హేచరీస్‌కు అటవీశాఖ నోటీసులు పంపించింది. జమున హేచరీస్‌కు రోడ్డు వేసేందుకు గతంలో వారు పలు చెట్లను నరికారని అందులో అటవీశాఖ పేర్కొంది. ఎలాంటి అనుమతి లేకుండా సుమారు 237 చెట్లను నరికారని నోటీసుల్లో పేర్కొంది. అందుకు గాను దీనిపై యాజమాన్యం సమాధానం చెప్పాలని నోటీసుల్లో పేర్కొంది.
ఒకవేళ యాజమాన్యం నుంచి సరైన సమాధానం రాకపోతే వాల్టా చట్టం కింద కేసులు పెడతామని నోటిసులో హెచ్చరించారు. ఈటల రాజేందర్ భూకబ్జా అరోపణలపై విచారణ జరుపుతున్న అటవీశాఖ ఇన్నాళ్లకు చెట్లను నరికారని నోటిసులు జారీ చేయడం ప్రాధాన్యం సంతరించుకుంది. కాగా, నోటీసులకు 3 రోజుల్లో సమాధానం ఇవ్వాలని పేర్కొంది. ఇక వాల్టా చట్టం ప్రకారం నరికిన చెట్లకు రెట్టింపు చెట్లను నాటడడంతోపాటు నరికిన చెట్లకు విలువను కట్టి ఇవ్వాల్సి ఉంటుంది.
ఇటీవలే శామీర్‌పేట్ మండలంలో ఓ రియల్ ఎస్టేట్ కంపెనీ నిబంధనలకు విరుద్ధంగా చెట్లను నరికి ప్లాట్లుగా చేసినందుకు భారీ జరిమానా విధించారు. దానికి దాదాపు రూ.20 లక్షల జరిమానా విధించింది. దీంతోపాటు నరికిన చెట్లకు బదులుగా రెట్టింపు చెట్లను పెట్టే విధంగా సంబంధిత కంపనీ నుండి హామీ తీసుకున్నారు. ఈటెల వ్యవహారంలో అటవీ శాఖ ఇదే విధంగా ముందుకు పోతుందా లేక ఇంకా కఠినంగా వ్యవహరిస్తుందా అనేది మరో మూడు రోజుల్లో తేలుతుంది.

(వెంకట్ బెజవాడ, టీ మీడియా అధికార ప్రతినిధి)

for telugu news live alerts like, follow and subscribe TMedia on FacebookTwitterYouTube
abhaya hospitals
Leave A Reply

Your email address will not be published.