సర్కార్‌కి జూనియర్ డాక్టర్ల అల్టిమేటం

0
TMedia (Telugu News) :

సర్కార్‌కి జూనియర్ డాక్టర్ల అల్టిమేటం..

s s consultancy

టి-మీడియా/హైదరాబాద్(10):

*జీతాల కోసం జూనియర్ డాక్టర్ల పోరాటం.
*2 వారాల్లో సమస్య పరిష్కరించకపోతే సమ్మె బాట.
*తెలంగాణ ప్రభుత్వానికి జూడాల అల్టిమేటం.

కరోనా మహమ్మారి దేశాన్ని, రాష్ట్రాన్ని కకలావికలం చేస్తోంది. ఇతర రాష్ట్రాలతో పోలిస్తే తెలంగాణలో కాస్త తక్కువ సంఖ్యలో కేసులు నమోదవుతున్నా మరణాలు మాత్రం కలవరపరుస్తున్నాయి. కోవిడ్ రోగులతో అన్ని ఆసుపత్రులు కిటకిటలాడుతున్నాయి. ఇదే సమయంలో జూనియర్ డాక్టర్లు తెలంగాణ ప్రభుత్వానికి అల్టిమేటం జారీ చేయడం హాట్ టాపిక్‌గా మారింది.
తమ సమస్యలను పరిష్కరించాలని జూనియర్ డాక్టర్లు తెలంగాణ ప్రభుత్వానికి అల్టిమేటం జారీ చేశారు,రెండు వారాల్లో సమస్యలు పరిష్కరించుకుంటే సమ్మెకు దిగుతామని ప్రభుత్వాన్ని హెచ్చరించారు. గతంలో ఇచ్చిన హామీ మేరకు ప్రభుత్వం వెంటనే 15 శాతం జీతాలు పెంచాలంటూ జూనియర్‌ డాక్టర్లు ప్రభుత్వానికి లేఖ రాశారు.
జీతాలు15 శాతం పెంచడంతో పాటు 10శాతం ఇన్సెంటివ్ చెల్లించాలని జూడాలు ప్రభుత్వాన్ని డిమాండ్‌ చేశారు. కోవిడ్ డ్యూటీలు చేసే హెల్త్ కేర్ వర్కర్స్ వైరస్ బారిన పడితే నిమ్స్‌లో వైద్యం అందించేలా జీవో అమలు చేయాలని డిమాండ్ చేశారు. కరోనా విధుల్లో మృతి చెందిన వారికి ఎక్స్‌గ్రేషియా కూడా ఇవ్వాలని కోరారు. తెలంగాణ రాష్ట్రంలో కోవిడ్ రోగులకు వైద్యం చేసిన ఎందరో డాక్టర్లు వైరస్ బారిన పడి చనిపోయారని, గతంలో ప్రభుత్వం జారీ చేసిన జీవో ఇంతవరకు అమలు చేయడం లేదని విమర్శించారు. తమ సమస్యలు రెండు వారాల్లో పరిష్కరించకపోతే సమ్మె చేయక తప్పదని జూనియర్ డాక్టర్లు ప్రభుత్వాన్ని హెచ్చరించారు.
(వెంకట్ బెజవాడ, టీ మీడియా అధికార ప్రతినిధి)

for telugu news live alerts like, follow and subscribe TMedia on FacebookTwitterYouTube
abhaya hospitals
Leave A Reply

Your email address will not be published.