*లారీతో గుద్దించి యువకుడి హత్య.. ఫ్యాక్షన్ గొడవలు.

0
TMedia (Telugu News) :

లారీతో చేజ్ చేసి తొక్కించి మరీ చంపారు
టి-మీడియా/ఆమనగల్(రంగారెడ్డి జిల్లా)మే-13:
*రంగారెడ్డి జిల్లాలో ఫ్యాక్షన్ గొడవలు.
*లారీతో గుద్దించి యువకుడి హత్య.
*పోలీసులు అదుపులో నిందితులు.

s s consultancy

రంగారెడ్డి జిల్లా ఆమనగల్ మండలంలో దారుణం చోటుచేసుకుంది. ఓ యువకుడ్ని లారీతో గుద్ది చంపిన ఘటన సంచలనం సృష్టించింది. స్థానిక మేడిగడ్డ గేట్ సమీపంలో ఈ దురాగతం జరిగింది. పాత కక్షల కారణంగానే ఈ దారుణం జరిగినట్లు తెలుస్తోంది. మేడిగడ్డ తండాకు చెందిన స్థానికులు తెలిపిన వివరాల ప్రకారం బాలకిషన్ సింగ్, నిరంజన్ సింగ్ కుటుంబాల మధ్య రెండు దశాబ్దాలుగా భూ తగాదాలు ఉన్నాయి. నిరంజన్ సింగ్, రాజేశ్ సింగ్ అన్నదమ్ములు. 2004లో జరిగిన ఘర్షణలో వీరి తల్లిదండ్రులు హత్యకు గురయ్యారు. దీంతో బాలకిషన్ సింగ్ కుటుంబం, నిరంజన్ సింగ్ కుటుంబం మధ్య తరచూ తగాదాలు జరుగుతూనే ఉన్నాయని స్థానికులు వెల్లడించారు.
బాలకిషన్ సింగ్ నుంచి తమకు ప్రాణ భయం ఉందని ఇటీవల అన్నదమ్ములు నిరంజన్ సింగ్, రాజేష్ సింగ్‌ పోలీసులకు ఫిర్యాదు చేశారు. ప్రాణ భయం ఉండడంతో నిరంజన్ సింగ్, రాజేష్ సింగ్ తమకు తోడుగా మరో ఇద్దరిని వెంట పెట్టుకున్నారు. ఎల్లప్పుడూ వీరిని రక్షణగా ఉంచుకుంటూ రెండు కార్లలలో మేడిగడ్డ గేటు సమీపంలో ఉన్న తమ పొలానికి వెళ్లి వరి పంట కోత పనులు చేయిస్తున్నారు.
ప్రత్యక్ష సాక్షులు వెల్లడించిన వివరాల ప్రకారం బాలకిషన్ సింగ్ మరో ఐదుగురితో కలిసి లారీలో అక్కడకు చేరుకుని రెండు కార్లను ఢీ కొట్టి ధ్వంసం చేశారు. రాజేష్ సింగ్‌ స్నేహితుడు సందీప్ అడ్డుకోబోతుండగా నిందితులు లారీతో అతడిని వెంబడించారు. దీంతో ఆయన తప్పించుకునేందుకు రోడ్డుపై పరుగులు తీసినా ఫలితం లేకపోయింది. లారీతో వెంటాడి, వేటాడి ఢీ కొట్టారు. కిందపడిపోయిన సందీప్‌ను లారీతో తొక్కించారు. తీవ్రంగా గాయపడిన ఆయనను ఆస్పత్రికి తరలిస్తుండగా మృతి చెందాడు. నిందితులు అక్కడి నుంచి పారిపోతుండగా పోలీసులు అరెస్టు చేసి విచారణ చేస్తున్నారు.

(వెంకట్ బెజవాడ, టీ మీడియా అధికార ప్రతినిధి)

for telugu news live alerts like, follow and subscribe TMedia on FacebookTwitterYouTube
abhaya hospitals
Leave A Reply

Your email address will not be published.