అంబులెన్స్‌లు ఆపుతారా….? ఇరు రాష్ట్ర ప్రభుత్వాలకు కిషన్ రెడ్డి

0
TMedia (Telugu News) :

అంబులెన్స్‌లు ఆపుతారా….? ఇరు రాష్ట్ర ప్రభుత్వాలకు కిషన్ రెడ్డి సూచన

s s consultancy

టి-మీడియా/హైదరాబాద్(మే-14):
*అంబులెన్స్‌లను ఆపడంపై కిషన్ రెడ్డి స్పందన.
*రోగులను రానివ్వకుండా చేయడం సరికాదని వ్యాఖ్య.
*ఇద్దరు సీఎం మాట్లాడుకొని పరిష్కారం చూపాలని సూచన.

కరోనా చికిత్స కోసం హైదరాబాద్ వస్తున్న పేషంట్లతో కూడిన అంబులెన్సులను సరిహద్దుల్లో ఆపడం అమానవీయమని కిషన్ రెడ్డి ఆవేదన వ్యక్తం చేశారు. వివరాల్లోకి వెళితే.
హైదరాబాద్‌లో వైద్య సేవలు పొందటం కోసం ఆంధ్ర ప్రదేశ్ నుండి పేషంట్లను తీసుకువస్తున్న అంబులెన్స్‌ను తెలంగాణ రాష్ట్ర సరిహద్దుల్లో ఆపడం సరికాదని, కేంద్ర హోం శాఖ సహాయమంత్రి జి.కిషన్ రెడ్డి పేర్కొన్నారు. ‘‘ఉభయ తెలుగు రాష్ట్రాలు సమన్వయం, పరస్పర సహకారంతో ముందుకెళ్లాలి. ఇరు రాష్ట్రాల ముఖ్యమంత్రులు లేదా ఉన్నతాధికారులు చర్చించుకుని సమస్యకు పరిష్కారం చెయ్యాలి తప్ప, ప్రజలు ప్రాణాలు అరచేతిలో పట్టుకుని రోడ్లమీద ప్రాణాలు దక్కించుకోవడం కోసం మృత్యువుతో పోరాడుతుంటే నిమ్మకు నీరెత్తినట్లు వ్యవహరించడం సరికాదు’’ అని అన్నారు. ఈ మేరకు శుక్రవారం కిషన్ రెడ్డి విలేకరుల సమావేశం నిర్వహించారు.
కరోనా చికిత్స కోసం హైదరాబాద్ వస్తున్న పేషంట్లతో కూడిన అంబులెన్సులను సరిహద్దుల్లో ఆపడం అమానవీయమని కిషన్ రెడ్డి ఆవేదన వ్యక్తం చేశారు. రెండు తెలుగు రాష్ట్రాల నాయకులు, అధికారులు చర్చించుకొని ఈ సమస్యకు పరిష్కారం కనుగొనాలని రాష్ట్ర హైకోర్టు ఇచ్చిన ఉత్తర్వులను తెలంగాణ ప్రభుత్వం గౌరవించాలని కిషన్ రెడ్డి అన్నారు.
ఇప్పటికే కేంద్ర హోంశాఖ కార్యదర్శి, ఈ విషయంపై, తెలంగాణ రాష్ట్ర ప్రధాన కార్యదర్శితో మాట్లాడారని అన్నారు. మానవీయ కోణంలో ఆలోచన చేయాల్సిన ఈ అంశంలో, సాధారణ వాహనాలను, కరోనాకు వైద్యం కోసం కొన ఊపిరితో వచ్చే పేషంట్స్‌ను ఆపడం మంచి పద్ధతి కాదని కిషన్ రెడ్డి అన్నారు. తెలంగాణ రాష్ట్ర ముఖ్యమంత్రి ఈ విషయంలో చొరవ తీసుకొని, ఆంధ్రప్రదేశ్ ముఖ్యమంత్రితో మాట్లాడి, సమస్య పరిష్కారానికి చొరవతీసుకోవాలని కేంద్ర మంత్రి కిషన్ రెడ్డి సూచించారు.
రోడ్ల మీద, జాతీయ రహదారుల మీద గంటల తరబడి పేషంట్లను ఆపడం మంచిది కాదన్నారు. తెలంగాణ ప్రభుత్వం ఇచ్చిన ఉత్తర్వులను ఉపసంహరించుకుని, ఈ సమస్యకు పరిష్కారం కనుగొనాలని, ఉభయ రాష్ట్ర ముఖ్య మంత్రులకు కిషన్ రెడ్డి విజ్ఞప్తి చేశారు.

(వెంకట్ బెజవాడ, టీ మీడియా అధికార ప్రతినిధి)

for telugu news live alerts like, follow and subscribe TMedia on FacebookTwitterYouTube
abhaya hospitals
Leave A Reply

Your email address will not be published.