15 రోజుల్లో 500 బెడ్లతో హాస్పిటల్ నిర్మాణం

0
TMedia (Telugu News) :

ఢిల్లీలో అద్భుతం… 15 రోజుల్లో 500 బెడ్లతో హాస్పిటల్ నిర్మాణం
టి-మీడియా/ఢిల్లీ(మే-14):

*రాంలీలా మైదానంలో కోవిడ్ ఆసుపత్రి.
*500 ఐసీయూ బెడ్లతో నిర్మాణం.
*ఆసుపత్రిని సందర్శించిన సీఎం అర్వింద్ కేజ్రీవాల్.

s s consultancy

ఢిల్లీలో అత్యంత వేగంగా కోవిడ్ ఆస్పత్రి నిర్మితమైంది. కేవలం పదిహేను రోజుల్లో 500 బెడ్ల సామర్థ్యంతో నిర్మించిన హాస్పిటల్‌ను సీఎం అరవింద్ కేజ్రీవాల్ సందర్శించారు. రేపటి నుంచి అందుబాటులోకి రానుంది.
వివరల్లోకి వెళితే.
కరోనా సెకండ్ వేవ్‌తో దేశంలోని అన్ని రాష్ట్రాలతో పాటు అతలాకుతలమైన ఢిల్లీలో మరో కోవిడ్ ఆస్పత్రి అందుబాటులోకి వచ్చింది. ఢిల్లీలోని రాంలీలా మైదానంలో 500 బెడ్లతో తాత్కాలిక ఆస్పత్రి ఏర్పాటైంది. కరోనా రోగులు ఆస్పత్రిలో బెడ్లు దొరక్క ఇబ్బంది పడుతుండడంతో రాంలీలా మైదానంలో 500 ఐసీయూ పడకలతో రాష్ట్ర ప్రభుత్వం కోవిడ్ ఆస్పత్రి ఏర్పాటు చేసింది. ఈరోజు ఢిల్లీ సీఎం అరవింద్ కేజ్రీవాల్ యుద్ధప్రాతిపదికన నిర్మించిన ఆస్పత్రిని సందర్శించారు. శనివారం నుంచి ఆస్పత్రిలో 250 ఐసీయూ పడకలు అందుబాటులో ఉంటాయని మిగిలినవి రెండు రోజుల్లో అందుబాటులోకి వస్తాయని కేజ్రీవాల్ తెలిపారు.
కోవిడ్ రోగుల కోసం కేవలం పదిహేను రోజుల్లో 500 పడకల ఆస్పత్రి నిర్మాణం చేపట్టిన ఇంజనీర్లు, వర్కర్లు, అందుకు సాయమందించిన డాక్టర్లకు సీఎం కేజ్రీవాల్ అభినందనలు తెలిపారు. యుద్ధప్రాతిపదికన ఆస్పత్రి నిర్మాణం చేపట్టారని ప్రశంసించారు. రేపటి నుంచి 250 ఐసీయూ బెడ్లు అందుబాటులో ఉంటాయని. రెండు రోజుల్లో ఆస్పత్రి పూర్తి సామర్థ్యం 500 బెడ్లు అందుబాటులోకి వస్తాయని ఆయన ట్వీట్ చేశారు.
కరోనా సెకండ్ వేవ్ ఢిల్లీని బలంగా తాకింది. రోజుకి 30 వేలకు పైగా కరోనా కేసులు నమోదయ్యేవి. గత ఏప్రిల్ పదో తేదీ తర్వాత ఈ రోజు అత్యల్పంగా 8,500 కొత్త కేసులు నమోదయ్యాయని సీఎం కేజ్రీవాల్ తెలిపారు. పాజిటివిటీ రేటు కూడా గణనీయంగా తగ్గి 12 శాతానికి చేరిందన్నారు. కరోనా రోగుల కోసం తగినన్ని ఆస్పత్రి బెడ్లు, ఆక్సిజన్ అందుబాటులో ఉందని సీఎం చెప్పారు. లాక్‌డౌన్‌‌‌తో కరోనా కేసులు గణనీయంగా తగ్గాయని అదే సమయంలో ఆక్సిజన్ బెడ్ల సంఖ్య కూడా పెద్ద సంఖ్యలో అందుబాటులోకి వచ్చాయని సీఎం కేజ్రీవాల్ తెలిపారు.

(వెంకట్ బెజవాడ, టీ మీడియా అధికార ప్రతినిధి)

for telugu news live alerts like, follow and subscribe TMedia on FacebookTwitterYouTube
abhaya hospitals
Leave A Reply

Your email address will not be published.